Mother and her child were killed by killer
នៅថ្ងៃទី៤ខែធ្នូឆ្នាំ២០១២ចន្លោះម៉ោង៦ទៅម៉ោង៩យប់មានករណីឃាតកម្មគិតទុកជាមុនបានកើតឡើងនៅចំណុច ទីតាំងឃ្លាំងស្តុកអេតចាយស្ថិតក្នុងភូមិ១៣មករា សង្កាត់ព្រៃព្រះស្ដេច ក្រុងបាត់ដំបង ដោយជនឃាតកប្រើប្រាស់ អាវយឺតខ្មៅរុំមុខសល់តែចន្លោះភ្នែកនិងប្រើប្រាស់កូនកាំបិតជាមួយដែកសរសៃធ្វើជាអាវុធវាយនិងអារ.កសម្លាប់ស្ត្រី២នាក់ដែលជាម្ដាយនិងកូន និងជាថៅកែឃ្លាំងស្តុកអេតចាយនោះឲ្យដេកស្លាប់នៅក្នុងបន្ទប់ទាំង២នាក់។ ជនរងគ្រោះដែលត្រូវឃាតកសម្លាប់នោះ ទី១. ឈ្មោះ ឈួរ មួយ ជាម្ដាយ អាយុ៤៥ឆ្នាំ និងកូនស្រីឈ្មោះ តាំង កៀងកៀង អាយុ១៣ឆ្នាំ ហើយឃាតកបានបង្ហាញមុខចេញពីបន្ទប់នោះខណៈពេលដែកូនប្រុសនិងនារីចុងភៅម្នាក់បានទៅគោះទ្វារហៅខ្លាំងពេក ប៉ុន្តែជនសង្ស័យបានគេចខ្លួនបាត់ស្រមោល។ ដោយយោងទៅលើសាក្សីដែលបានឃើញឃាតកផ្ទាល់នឹងភ្នែកទើបលោកវរសេនីយ៍ឯក ចេត វណ្ណនី ស្នងការរងកណ្ដាលនគរបាលយុត្តិធម៌ បានគូសបញ្ជាក់ថានេះពុំមានជាករណីប្លន់នោះឡើយ ដោយសារទ្រព្យសម្បត្តិនៅទាំងអស់ ប៉ុន្តែវាជាករណីឃាតកម្មគិតទុកជាមុន ហើយបច្ចុប្បន្នសមត្ថកិច្ចកំពុងកំណត់មុខសញ្ញាបានខ្លះហើយដើម្បីស្រាវជ្រាវឈានទៅរកការឃាត់ខ្លួនយកមកផ្ដន្ទាទោសច្បាប់៕ អត្ថបទដកស្រង់ពី everyday.com.kh
